Türkmenistanyň Prezidentiniň Kararyna laýyklykda, Türkmenistanyň raýatlary özlerine bagly bolmadyk ýagdaýlar sebäpli daşary ýurt döwletlerinden Türkmenistana gelip bilmedik halatynda, olaryň Türkmenistandan gitmek we Türkmenistana gelmek üçin pasportlarynyň (pasport) hereket ediş möhleti 2020-nji ýylyň 1-nji ýanwary – 2022-nji ýylyň 30-njy dekabry aralygyndaky döwürde tamamlananlarynyň ýa-da tamamlanýanlarynyň pasportlarynyň hereket ediş möhletiniň 2022-nji ýylyň 31-nji dekabryna çenli uzaldylýar.

Şunuň bilen baglylykda, Türkmenistanyň Fransiýa Respublikasyndaky Ilçihanasy Türkmenistanyň raýatlarynyň ýüz tutmasy esasynda, möhleti 2020-nji ýylyň 1-nji ýanwary – 2022-nji ýylyň 30-njy dekabry aralygyndaky döwürde tamamlanan ýa-da tamamlanýan pasportlara olaryň möhletleriniň uzaldylandygy baradaky belligi resmileşdirýär.

Pasportyň möhletiniň uzaldylandygy baradaky bellikleri etmek üçin Türkmenistanyň raýatlary Türkmenistanyň Fransiýa Respublikasyndaky Ilçihanasyna erkin görnüşde ýazylan arza bilen ýüz tutmalydyrlar. Arza elin gowşurlyp ýa-da Ilçihananyň salgysyna poçta arkaly iberilip bilner. Şeýle hem arzanyň ýanyna şu aşakdakylar goşulýar:

- erkin görnüşde arza;

- biometrik we içerki pasportlarynyň nusgalary (şahsy maglumatlar üçin sahypanyň nusgasy);

- ýaşaýan ýurdunyň ýaşaýjysynyň kartasynyň ýa-da wizasynyň nusgasy;

- 3x4 ýa-da 4x5 sm ölçegdäki fotosurat kagyz görnüşde we elektron göterijide.

Ýokarda agzalan resminamalar elektron görnüşde deslapky ýagdaýda Türkmenistanyň Fransiýa Respublikasyndaky Ilçihanasynyň e-mail salgysyna: turkmenambcons@gmail.com iberilmelidir.

Pasportyň möhletiniň uzaldylandygy baradaky bellikleri etmek tölegsiz görnüşde amala aşyrylýar, ýöne arza poçta arkaly iberilen ýagdaýynda, poçta hyzmatlarynyň tölegi arzaçy tarapyndan tölenmelidir.